Mae etifeddiaeth yn rhodd o arian, eiddo, neu feddiannau a adawir yn eich ewyllys. Os byddwch yn penderfynu rhoi i elusen, mae pob rhodd etifeddiaeth ar hyn o bryd yn ddi-dreth etifeddiaeth, felly bydd popeth a adawir yn mynd yn uniongyrchol tuag at ein gwaith.

Mae llunio neu adolygu ewyllys yn bwysig ac rydym yn argymell eich bod yn ceisio cyngor annibynnol gan gyfreithiwr neu gwmni ymddiriedolaeth banc.

Yn gyffredinol, mae tri math gwahanol o roddion etifeddiaeth:

• Rhodd arianol: Rhodd o swm penodol o arian. Gallwch ddiogelu’r math hwn o rodd rhag chwyddiant drwy ei gysylltu â’r Mynegai Prisiau Manwerthu.
• Rhodd benodol: Rhodd o eitem ddangllyd fel tŷ, darn o emwaith, neu gerbyd. Oni bai y nodir fel arall, gellir gwerthu’r rhodd hon.
• Rhodd weddilliol: Rhodd o’r cyfan/neu gyfran o beth bynnag sy’n weddill o’ch ystâd ar ôl dosbarthu’r holl roddion eraill a thalu unrhyw ddyledion.

Mae rhai pobl hefyd yn dewis cynnwys manylion yn eu hewyllys am elusen yr hoffent i bobl roi rhodd iddi yn eu cof, os ydynt yn gallu.